Rakst á upplýsingarbækling í vinnuni frá Blóðbankanum, auglýsing á baksíðunni vakti athygli mína. Sennilega er þessi ágæti bælingur prentaður "fyrir kreppu", því þarna auglýsir Glitnir svo fagmannlega reikniformúluna 1+1=3 sem er einhver allt önnur stærðfræði en ég lærði í skóla.

Ef að þetta er, eða var dæmigerð reikniformúla hjá bankastofnunum, þá ekkert skrítið að þeir hafi hrunið eins og illa reistar spilaborgir?

Stundum virðist okkur velgengni byggjast á kraftaverki. Það er eins og eitthvað hafi orðið til út engu.

Fann í fórum mínum gamla og góða auglýsingu.

Fyrirsagnir geta verið vandasamar, þær þurfa að vera grípandi og þurfa að vekja áhuga á greininni. Rakst á eina í fréttablaðinu sem má auðveldlega misskilja á versta hátt.

"Ragnar pròfar rauðhærð börn"

Brunaði norður til Akureyrar í gær þar sem ég ætla að liggja í leti yfir páskana. Þar sem ég var ekki alveg einn á ferð stoppaði ég m.a. í Staðarskála hinum nýja í fyrsta sinn eftir að vegurinn var færður. Sumum kann eflaust að finnast þessi skáli betri en sá gamli, en ég er ekki í þeim hópi. Þetta er bara enn ein N1 stöðin. Fyrir mína parta var mun notalegra að staldra við í gamla skálanum. Það sem ég sé hinsvegar betra við þann nýja er að aðstaða til eldsneytiskaupa er þægilegri þar sem það þarf ekki að fara út í skúr eins og á gamla staðnum, og það virðist vera meira úrval af vörum þarna. Ég hefði betur nýtt mér eldsneytis aðstöðuna í Staðarskála eða í Varmahlíð því ég lagði af stað með tankinn c.a. 1/2 úr Reykjavík. Framan af leit út fyrir að það myndi duga. En skömmu eftir að ég lagði af stað frá Varmahlíð, hvar ég hefði átt og ætlaði að kaupa bensín, fór bensínljósið að loga. Einhverstaðar á Öxnadalsheiðinni fór ljósið svo að blikka, ótvírætt merki um að eldsneyti sé af skornum skammti. Komst á eldsneytisgufunum upp á Moldhaugaháls, og vantaði kannski 20-30 metra upp á að það færi að halla undan aftur, en þá hefði ég getað látið bílinn renna langleiðina til Akureyrar. Þetta tafði mig samt ekki um nema 20 mínútur, ég fékk móðir mína til að renna á móti mér með smá sopa á brúsa. Ég held að þetta sé í fyrsta sinn sem mér tekst að verða bensínlaus á ferðalagi milli landshluta, og vonandi síðasta sinn.

Fjármálavit er eitthvað sem er ekki að þvælast fyrir mér, ég einfaldlega hef ekkert fjármálavit. Ég veit að ef ég á 5000 kall í veskinu, þá er hann þar þangað til að hann skiptir um hendur í einhverjum viðskiptum, og þá er hann ekki þar lengur. Þetta er náttúrulega barnsleg einföldun á mínu fjármálaviti því fjármál eru mikið flóknari en að fá útborgað og eyða laununum. Alla tíð hefur það þótt af hinu góða að leggja aurinn sinn inná bankabók eða annan innlánsreikning og jafn sjálfsagt hefur þótt að geta sótt aurinn aftur, hugsanlega með Þetta er náttúrulega barnsleg einföldun á mínu fjármálavitieinhverjum smánar vöxtum. Við vitum þó vel að bankarnir hafa notað þennan sama aur til að láta hann vinna fyrir sig. Gott og vel. En þegar ég sá í mogganum að óttast væri að ef MP opnaði Netbankan og nokkur SPRON útibú, myndi fyrrum viðskiptavinir þeirra útibúa flykkjast í hrönnum til MP með innistæður sínar yrði ekki til fé til að greiða þau innlán út. Mér er spurn. Þegar nb.is og SPRON voru yfirtekin og innistæður færðar til Kaupþings, hvað var á bak við þær tölur? Loft? Eðlilega velti ég fyrir mér hvort hætta geti verið á að mín fábrotna innstæða (sem er reyndar oftast í mínus) sé hreinlega ekki til. Ég þekki fleiri dæmi en mitt eigið þegar menn hafa farið frá Kaupþingi af einhverjum ástæðum og stofnað til viðskipta hjá SPRON eða nb.is vegna einhverjar óánægju. Nú haf þeir viðskiptavinir verið fluttir til baka án samráðs og við mismikla ánægju. Ég mun hugleiða alvarlega að færa mig annað með mín viðskipti þó lítil séu, og kemur MP sterklega til greina eða nb.is verði hann með svipuðu sniði og áður. Netbankinn var einstaklega þægilegur í alla staði, a.m.k. fyrir mig.

Ein tegund af fólki hefur stundum pirrað mig til margra ára. Og það eru þeir sem lesa allan strimilinn sinn við kassann, helst tvisvar. En hvort sem að þú ert að spá í hvort dós af bökuðum baunum kostar 58 eða 59 krónur eða tékka hvort þú sért að greiða fyrir eitthvað sem þú ert ekki að kaupa er klárlega rétt að rúlla .a.m.k. lauslega yfir strimilinn. Það varð ég á þreifanlega var við í gær. Ég tek alltaf strimil í verslunum þegar ég versla, nema helst ef ég er að kaupa eitthvað verulega smálegt. Þó ég lesi hann ekki upp til agna renni ég oft augunum yfir hann svona á meðan ég rölti frá kassanum, rétt til að tékka á hvort eitthvað stingi í augun. Málið er að nú hefur verðlag verið breytilegt og margar vörur að hækka verulega. Því hefur mér stundum þótt verðið á kassa vera orðið mun hærra en ég bjóst við. Mér brá því nokkuð í gær þegar ég var að versla í Bónus. Nokkrir smálegir hlutir Þegar búið var að skanna góssið var ég rukkaður um 7.462matarkyns og hundamatur sem kostar 798 kr. alls 12 hlutir. Að hundafóðrinu undanskyldu var dýrasti hluturinn á 392 fyrir utan einhvern afslátt. Þegar búið var að skanna góssið var ég rukkaður um 7.462 kr. Í sjokki og með semingi afhenti ég kortið og bölvaði í hljóði þessum verðhækkunum og velti fyrir mér hvað ég hefði nú verið að kaupa svona dýrum dómum. Þegar strimillin kom í mínar hendur leit ég á hann og sá strax að ég hafði verið rukkaður um 7 poka af hundfóðri. Sem sagt ofrukkað um 4.788 kr. Að sjálfsögðu var það leiðrétt án vandamála en það hefði verið óheppilegt að vera kominn heim og átta sig þá.

Það er ákveðið merki held ég um hvað maður er orðinn gamall, þegar talið er í tugum ára hvenær maður gerði hitt og þetta. Tala nú ekki um ef það gerðist eftir að maður komst á áfengiskaupa aldurinn. Svo er það nú með blessaðann bjórdaginn. Í dag eru 20 ár liðn frá því að bjósala var lögleidd aftur á Íslandi eftir 74 ára bjórbann. Miðvikudaginn 1. mars 1989 rétt um hádegis bil eða svo, stóð ég á tröppunum við barnafataverslunina í Ólafsvík sem einnig hústi ÁTVR og beið þess að ríkið opnaði. Tilgangurinn var að sjálfsögðu að versla bjór. Ef mér skjátlast ekki var það hinn þýski Löwenbräu bjór sem varð fyrir valinu.

Þegar ein kýrin mígur er annarri mál. Málsháttur þessi sprettur upp í huga manns við yfirferð á bók nokkurri kennda við andlit. Facebook. Nú er blessað fésið svo sem ágætt útaf fyrir sig, en því miður eru gallarnir fleiri (kannski ekki stærri) en kostirnir. Stærstu og algengustu gallarnir eru svo kölluð "Applications" og "Groups". Til að mynda er allt of auðvelt og allt of aðgengilegt að búa til þessi Applications sem þýðir að gríðarlegt offramboð er af of auðvelt er að búa til grúbbu um nákvæmlega ekkert þeim, og einnig er of auðvelt er að búa til grúbbu um nákvæmlega ekkert, þá meina ég ekkert. Þessir gallar eru svo stórir að það er efni í sér pistil, því þessi átti að vera um aðra plágu sem tröllríður þessari blessaðri fésbók. Að tagga vini sína í notes og á myndum af herramönnunum. Hér áður fékk maður allskonar bull til að áframsenda í tölvupósti, kjánalega spurningalista sem vissulega einhverjir hafa gaman að. Bara ekki ég. Nú er búið að yfirfæra þetta á "fésið" og er vart þverfótað fyrir spurningalistum sem annar hver maður er taggaður á eða maður sjálfur. Já og helst tvisvar á nákvæmlega sama listann. Voða sniðugt. Þetta apa svo allir hver eftir öðrum. Og vitleysan er orðin svo mikil að fólk sem býr innan sömu veggja er að senda hvort öðru slíka lista, eins og það geti ekki bara spurt hvort annað ef því vantar að vita eitthvað. Klárt dæmi um að netið og rafrænir samskiptamiðlar eru að taka meira og meira yfir venjulegar samræður milli fólks í sama rými. Og ekki er öll vitleysan eins. Herra mennirnir, fígúrur úr gamalkunnum barnabókum og teiknimyndum fyrir börn eru að verða nýjasta ruglið. Um að gera að hala niður einhverri mynd með þeim kjánum senda á fésið og tagga alla vini sína á hana. Æðislega klárt.

Ef það er eitthvað sem er pirrandi, þá er það þegar maður þarf að hafa full mikið fyrir því að uppgötva mistök. Fyrir nokkrum vikum, eða örfáum mánuðum verslaði ég bremsuborði í blessaða bifreiðina mína. Framtakssemi mín hefur ekki verið meiri en svo að fyrst í dag kom ég mér í réttan gír og ætlaði að skipta um borðana. Enda orðið leiðinda sarghljóð þegar ég bremsa. Líkt og oft vill verða, þá eru bremsuhlutir oft stirðir og ryðgaðir eða með öðrum orðum pikk helvíti fastir. Svo var einnig í þetta sinn. Bremsu skálarnar voru bara ekki að bifast. Eftir smá kaffidrykkju og meira af hamarshöggum ásamt WD-40 og öllum tilheyrandi látum kom vænlegt los Eftir smá kaffidrykkju og meira af hamarshöggumá bremsuskálina og mjakaðist hún loks af. Gleði gleði. Þá er komið að öllu yndislega gormadótinu. Nokkrir af gormunum eru vel stífir svo þetta er smá fyrirhöfn, en í sundur fer þetta með nokkuð eðlilegum hætti. Átökum og bölvi. Akkúrat þegar ég sigri hrósandi byrja að máta og bera nýju borðana við, sé ég að ekki er allt með felldu. Þessir nýju eru heldur styttri. Mikið skelfilega getur verið svekkjandi að komast að þessu þarna. Ég ætla rétt að vona að Bílanaust... öllu heldur N1 taki þá til baka upp í rétta varahluti. Ég er nefnilega ekki viss um að ég eigi enn nótuna, eftir allan þennan tíma.

Ógnandi framkoma við samborgara er ekki við hæfi á Íslandi...
Já, honum Geir "blessuðum" fannst honum vera eitthvað ógnað þegar bílinn hann var umkringdur mótmælendum. Í sjálfu sér er ég ekkert hissa, það er ekki hægt að segja að það sé þægilegt að vera kominn í aðstæður sem að maður hefur ekki stjórn á eða ræður ekki við. Núna eru akkúrat aðstæður sem við höfun enga stjórn á og kláralega ekki aðstæður sem ég kom mér í sjálfur í þjóðfélaginu.

„Fólk þarf að gá að sér í þessu sambandi og ógnandi framkoma við samborgara er ekki við hæfi á Íslandi," sagði Geir. mbl

Það að stjórnvöld hafi t.d. lofað bönkunum að vaxa svo gífurlega sem raun varð og ekki verið áþað er ógnandi framkoma í minn garð og þjóðarinnar. varðbergi fyrr en allt var hrunið er ógnandi framkoma í minn garð og almennings. Það að liðnir séu rúmir 3 mánuðir og allir eru enn í óvissu, meðan vanhæf ríkisstjórn hendir engum beinum til okkar, er ógnandi framkoma í minn garð og þjóðarinnar.
Ég hvet alla til þess að taka þátt í mótmælum eins og þeir geta, að sjálfsögðu með friðsömum hætti.

Hér eru myndir frá Mótmælunum í gærkvöldi. (smellið á myndina til að sjá fleiri)